不幸地遇上了租婚紗黑店
今次呢個blog就打返星期日我行動完之後的事，同最後的結局
我點解咁耐都唔UPDATE返大家，主要係呢段時間調節返我的心情
上回提到我的post (http://wow.esdlife.com/space.php?uid=7908&do=blog&id=144600) 提到果間婚紗公司厄我套大五福
咁我又唔識乜野叫大五福所以就搵各位求救
當知道我自己肯定俾人厄左之後，我大約12點打左一次電話去問清楚，佢堅稱當時我係book果套"大五福八喜褂"，但我好肯定話佢知"當你同事 昨日拎呢套褂出黎俾我再試ge時候，我一見到已經話唔係呢套啦，加上我見到果8個喜字，我覺得咁娘，仲點會租"。咁佢辯駁一輪之後就叫我晚上再去搵佢地， 佢地話拎証明俾我睇，我第一次去試衫的時候係冇金銀線版大五福。
但去到1點鐘，我愈來愈唔安落，而且愈來愈唔開心。於是我再打去
佢都係講同一番說話。
我傾唔掂數，於是我就話，"我唔係介意果少少錢，我都用左差唔多成2萬蚊係你地度租衫，仲用多萬幾蚊去book你地的攝影。而家因為一套褂大家搞到咁唔開心，好難再合作。咁我所有衫都唔要喇，我自己想辦法點去追返d錢"
佢：我要澄清我地冇厄你，咁對我地好唔公平。我地之前有影相，我搵返張相俾你睇你之前的確係揀呢套呀
我：我唔想再同你地拗，我去問過好多老店都話呢套唔係大五福，如果你係都話係都又你喇
佢：每間店大五福都唔一樣，我地呢套係大五福八喜褂。唔好發悔氣話，等我搵返你之前張相俾你睇啦
我：好
因為我肯定佢係厄我，我之前一定係租金銀線大五福，所以我完全唔驚佢。
點知佢地做野突然好有效率，10分鐘後打返俾我
THEN話：我問過寫字樓喇，佢話問左冠南華租返你心目中的大五福俾你，不過就冇得俾你再試，你轉頭SEND張相俾你睇個款，到時就係租你套俾你 (如圖)
我而家唔深究呢套係中五福定大五福了 總之係金銀線就算了。 事情亦告一段落。 但我始終覺得呢間野好唔老實。我只係見結婚一生一人次，唔想搞到好唔開心，所以佢地話要加錢，我次次見唔太過份就算了 再次多謝各位WOW友的意見同支持。如果唔係我一個人真係唔識面對呢D情況。
更多詳情請看以下網址: http://www.blacklistshop.com/%e4%b8%8d%e5%b9%b8%e5%9c%b0%e9%81%87%e4%b8%8a%e4%ba%86%e7%a7%9f%e5%a9%9a%e7%b4%97%e9%bb%91%e5%ba%97/
