Blacklist shop 香港黑店名單/騙案

雅虎拍賣︰mXlody_hXart1111 (K.O.X.Y.B.X.B.Y SKIN CARE)

我買左成個月野都未收到貨，同佢講左幾次，佢曾經承諾如果仲未收到貨，就再發貨俾我。 但之後催左N次，佢先覆返兼反口，話佢唔會發貨，仲屈返我轉頭，話我要錢又要貨。 到尋晚，佢電郵再覆我「貨一早寄過俾我，唔可以再俾多貨我」 我話︰當初係你自己講，唔係我要求。係見你話仲未收到可以再發貨，我先叫你發多次。而家係你失信於人囉 佢仲問返我幾時，我就print screen俾佢，叫佢擘大眼睇清楚，佢就再玩失蹤。 呢個人疑似有前科，真係嬲到爆~~~~~~    
更多詳情請看以下網址: http://www.blacklistshop.com/%e9%9b%85%e8%99%8e%e6%8b%8d%e8%b3%a3%ef%b8%b0mxlody_hxart1111-k-o-x-y-b-x-b-y-skin-care/

教學黑店長沙灣手機維修課程

前言:   各位朋友有冇人打算報讀長沙灣呢間( HPXIT Education Center )手機維修課程呢?   http://www.hpcphone.com.hk/course.php?pid=916&t=4&p=course_time   如果有打算去報讀呢個課程嘅朋友，我會同你講一句，無謂浪費(金錢、時間、精力)去讀呢個冇任何得著嘅課程，因為呢間所謂嘅學校不論係( 師資、資源、承諾 )全部都有問題！   當你讀完呢間學校嘅課程出到嚟，你就會知道(外面係冇任何機構認可呢間學校發出嘅證書，同時亦證明你係唔會有能力整到手機)，如果你錢多無地方洗，你又可以比兩萬幾蚊(連工具精神時間近三萬)去了解一部手機裝折，我唔會阻止你。如果唔係我就絕對唔建議各位浪費(精神、時間、金錢)去讀一個連五千蚊都俾多佢嘅興趣班！   以下我會分三節去講呢間所謂嘅學校問題之處...   1.全個課程分三個階段去教   第一個學期： 第一個學期要你先交一萬蚊學費，咁第一個學期共18堂，每堂3個鐘。   會教啲基本嘅電子理論(串聯、並聯、歐姆定律等等...)敎用他錶等工具，介紹一啲同手機維修無乜關係嘅野(電解電容等等...)。   跟住就用一堂考試一堂解卷同講解去華強北買工具事宜，之後就開始催你交第二期學費。   PS：全個課程會有兩次北上考察，但係去嘅地方都係去同一個地方(只係樓上同樓下之分)。     第二個學期： 第二個學期開始佢會俾部收音機你砌，淨砌收音機都你砌兩堂。(學手機變左去砌收音機)   砌完收音機初期都重未入正題，會用幾堂時間講啲手機理論野(收音機原理、網絡基站、手機發展史、手畫手機電路圖等等...)無錯係亞sir自己手畫手機電路圖。   要到中期時間，亞sir會派一個三星S2尾插(USB)，講第二期考試會考焊呢個USB尾插(四針)，同期教你處理入水機，正確啲講係話你知點處理入水機，係唔會實機俾你試。   依舊都係用一堂考試一堂解卷同講解去華強北買零件事宜，之後就開始要你交最後一期學費。   PS:但係今次考試就算考到100分都無用，因為( 四針尾插已經過時，個時手機尾插已經去到十一針 )，識焊四針尾插係未必焊得到十一針尾插。     第三學期： 當以為交埋第三期學費就會正式進入實戰期，但事實所謂嘅實戰會又係講多過做...   第三期開始會派一張iphone4底板圖同俾一堆iphone4散件及一部三星S2裝折俾大家玩吓，但係俾你拆嗰堆iphone4散件，排線已經無痴力及鏡頭係壞，只得一塊底版係著到機，得兩個mon係有野睇，如果整壞咗個mon重要賠200蚊，乜學費唔係包工具零件費咩，咁我交嗰二萬幾蚊到底包咗啲咩呢!   之後嗰幾堂敎( jb，root機，刷rom等軟件 )呢啲只要上Google都會搵到嘅野。   1.教你屏幕分離，教你界個mon出嚟!竟然係冇資源俾你痴番做mon上去，用兩塊玻璃痴住就叫界mon，連真mon都要自己帶返去界，界完之後重要冇工具痴返個mon上去。   2.真真正正有得自己做嘅係( BGA焊晶片 )但係敎你焊晶片嗰位亞sir，連佢自己都唔成功，重有係香港係無人做呢種( 高風險低回報 )嘅技術，全部都係攞上去華強北做。   之後所教嘅嘢都係抄刻板多過佢所講嘅實戰(第三學期學校所聲稱嘅實戰，亦變為抄刻板結束)。   最後嘅就業指導結果都只係去先達行個圈(我哋重變咗過街老鼠咁俾人趕)，介紹去一間做翻新機嘅公司見工(做維修變咗做翻新鬼機…) 而網站聲稱畢業後會推薦去( APPLE，SAMSUNG，HTC，MEIZU，先達 )全部都係假嘅，跟本無一間公司同佢有合作關係，拎住佢地張證書去見工完全係冇認受性同冇幫助，至於所謂嘅畢業後支援一樣都無做過...   當我哋認為課程不對辦，搵元校長理論，元校長講:我哋係唔會教晒你所有野㗎!你去讀醫都唔會一人一死屍啦!(收咗我哋每人兩萬幾蚊都可以話唔會教晒所有野俾你，咁讀嚟做咩呢！真係錢多冇地方洗咩!)   最後元校長承諾我哋班可以去佢鋪頭到實習，結果去咗兩次佢就會用任何方借口趕你走。   呢個元校長承諾過嘅事，佢都可以全部反口唔認數，完全無誠信可言，一個無誠信嘅人開嘅學校你有冇信心去讀。   所以係度再次提醒各位想報讀嘅朋友，小心呢間所謂嘅學校，我地10個人讀完9個都覺得完全冇用，如果真係想學手機維修，你可以試吓去(dcfever)買啲壞機再睇Youtube點做，可能重會學到更多實質野...  
更多詳情請看以下網址: http://www.blacklistshop.com/%e6%95%99%e5%ad%b8%e9%bb%91%e5%ba%97%e9%95%b7%e6%b2%99%e7%81%a3%e6%89%8b%e6%a9%9f%e7%b6%ad%e4%bf%ae%e8%aa%b2%e7%a8%8b/

教學黑店 長沙X 手機維修課程 HXC IT Education Center

 
更多詳情請看以下網址: http://www.blacklistshop.com/%e6%95%99%e5%ad%b8%e9%bb%91%e5%ba%97-%e9%95%b7%e6%b2%99x-%e6%89%8b%e6%a9%9f%e7%b6%ad%e4%bf%ae%e8%aa%b2%e7%a8%8b-hpc-it-education-center/

執到寶 一間極不老實的黑店

呢間係一間極不老實的黑店, 極力不推介 罪狀一: 早前於此家買了一個櫃, 收了我$1580, 但我上網頁發現標價是$1299, 當然我要求退款, 但他們不肯, 一直解釋是於網頁打錯, 不願賠差額, 他們回覆是可以退款, 我當然決定不要. 由於此店打出旗號, 是買滿$3000 包車費, 由於只差$600, 我決定於此店再買別的貨品, 當中我選了其中3件達$600, 突然發短訊問我可以$1299賣之前選的櫃給我!? 開玩笑嘛... 罪狀二: 我另選的三件貨品, 其中一件是層櫃, 事前此店拍了照片給我說層櫃頂有破損, 低但事實是, 我接貨後, 發現此貨的破損程度比圖片的嚴重多了, 我當然要投訴及要求退款, 照片根本沒有反映事實的全部, 但此店居然沒有悔意, 要多收我車資?? 我都沒有要他賠償我的搬運費用?? 有公司可如此厚顏?? 罪狀三: 我已於購買當天, 問是否可星期日送貨, 他們答應可以, 但居然於送貨前一天 (即星期六) 要求多收$30?! 此店雖包了車費, 我還是需要安排運輸搬貨上樓及裝貨的, 所有事情已預先安排, 但提前一天才說是加車費? 到搬運當天, 突然打電話問是否需要板車, 有得用當然好啦, 跟著便說要額外多收的費用?! 那通電話的目的是什麼?? 罪狀四: 二手傢俬很大可能表面已有破損, 但沒有想到出貨前的基本包裝保護都沒有, 請看一下圖, 這跟沒有包裝有什麼分別?
更多詳情請看以下網址: http://www.blacklistshop.com/%e5%9f%b7%e5%88%b0%e5%af%b6-%e4%b8%80%e9%96%93%e6%a5%b5%e4%b8%8d%e8%80%81%e5%af%a6%e7%9a%84%e9%bb%91%e5%ba%97/

黑店 - 荃灣河背街 7x 號舖 「x暉傢俬 」

因租入既係新樓"環宇海灣",故要購入傢俬. 因時間比較緊迫既關係,我們就到荃灣望下有冇0的價錢相宜既油壓床及訂做衣櫃. 當行到荃灣河背街的一間叫「x暉傢俬」,我們見門面都比較光猛似係新開便入去望下. 其中一個帶眼鏡的女職員便開始招呼我們. 最初佢既態度係不錯的而且都俾左唔少意見我同我先生.(可能始終未落單時既態度永遠都係「乜都得」) 而且仲自己提出因為我地住址都係在附近, 都唔介意先度呎然後再俾我地落唔落單.我見連買一張油壓床都肯幫我地去度呎(其實係咪間間都會?)而且由於我地入伙日子距離不遠,佢又應承我可以催促廠方 面可以盡快送貨,我本人不嬲都buy service既關係,我承認呢個係加分位,於是第二日度左呎後, 職員手繪了一個床架的圖,寫上要用什麼物料顏色,床架怎樣開,床頭板在哪一面等等, 我同先生便落單了,期間都對他們其中一個衣櫃感興趣, 佢就話最多如果我地0係佢地度買埋個衣櫃, 唔介意油壓床可以再俾優惠我地. 咁我見其實佢地既價錢同其他同質數既傢俬公司都差唔多, 由於唔想煩及當時都仲覺得佢服務態度ok既關係, 我地便幫佢落埋衣櫃單. 直到第二日,我們上了新居再望清楚位置後,決定想更改床頭板的方向. 我先生便whatsapp那個職員, 職員說是沒有問題的, 左右也沒有分別, 到時師傅上來安裝時同師傅溝通就可以了. 我先生都猶豫了一會, 話不如都係去舖頭更改繪圖作實,但職員好肯定咁話係一定冇問題. 於是先生就相信佢地. 最後沒有更新繪圖. 直到距離送貨的日子,呢個就係惡夢既開始. 佢地開始沒有聲氣, 我先生自己打左電話去問, 佢地都話廠未完成,會再幫我地催促, 本人都明白有時呢0的期既野係好難預計及都唔係0係佢地既控制之中. 我覺得如果佢地已經try her best咁都appreciate. 最後送貨只是遲了幾天, 本人都可接受. 當師傅送到現場, 首先是撞崩了我的牆身,我都幾肯定佢見倒但扮冇事,我同先生冇即時出聲但已拍下照片作証.然後第二是到安裝油壓床時才發覺真係因為床頭板左右掉轉左既關係 而安裝唔倒. 我先生打俾那個職員查問, 然後職員再同現場師傅溝通後確定...係真係裝唔倒....仲話要叫廠做過,就要收走張床架, 我當時即刻出聲, 點解你地做錯左野, 又要等都算,但點解就要我訓地訓多兩三個星期? 而且我有好多雜物都係等張床黎先可以放入去..先知自己仲有幾多野係放唔倒..先可以知道仲要唔要買其他storage既傢私. 最後師傅將床架底塊板墊左上個床架上,我地就可以暫時放張床褥上去訓住先. 咁ok,我都接受. 但之後令我火起既事情就發生了. 我再望望個床頭板, 色係冇錯, 白色. 但我揀既係木紋索白油. 我0係佢地間舖有睇過個色板,當時個板就算索白了都有明顯木紋, 但我發覺個床頭板0的白油係厚到幾乎冇晒0的木紋而且白油有0的厚有0的薄. 我打去問那個職員. 佢: 下?係你之前落訂時話唔想見倒有咁多木紋嘛...等我仲同廠講左...突登同你加厚0的油添. (我本人發誓我係由始至終都係要木紋索白的, 係要同0係佢地舖頭見倒既樣板係一模一樣的.) 我: 我冇講過...我由始至終都係要木紋索白的. 佢: 唔係喎,你真係有講, 等我仲記0係心. (記0係心有咩用?唔寫低? 因為我冇講過吧?!) 我: 冇.我一定冇講, 如果我唔想見倒木紋, 點解我唔就咁叫你油白色板俾我, 要用個木紋黎做個想冇木紋既效果呢? 佢:...........唉!!!我都唔知可以同你講0的咩好!!!! (極度晦氣)等我仲突登叫廠同你做快0的. (....點樣? 呢0的就係售後服務既應有態度?) 我: 我好多謝你幫我叫佢地趕貨俾我,但你趕0的唔岩既貨俾我冇意思架喎! 佢: 唉, 得啦得啦,我做過個床頭板俾你啦! 不過可能又要等多兩個星期架啦! (繼續晦氣) 我都忍佢冇同佢嘈,最後事隔左兩個星期,我再打俾佢問佢地幾時再送貨,三催四請最後遲多一個星期先送, 仲要本身話7點送, 等到9點半都未有人黎. 我一早同左佢地講9-11點係冇貨「車立」用, 最後我打俾個職員,當然如我所料唔聽我電話, 最後師傅9點半倒打俾我話宜家黎緊,我就話我一早講左9-11係送唔倒貨, 我話我等左你地兩個幾鐘,師傅仲要同我講:冇計啦,好多貨送. 我就同佢地講如果真係冇貨「車立」用, 而我今日又見唔倒張床,我就唔要,亦唔會俾尾數, 我話你自己同番個職員講. 於是最後攪到10點前到達. 但我想講既係, 由第二次送貨我打俾果位職員到今日(已係4日前既事),佢都冇話打番黎了解番件事同埋成件事佢係一句道歉都冇講過. 我唔知係咪因為差唔多成皮野既生意,唔值得有好既售後服務. 我只係知我唔會再幫襯亦唔會介紹朋友黎搵笨.
更多詳情請看以下網址: http://www.blacklistshop.com/%e9%bb%91%e5%ba%97-%e8%8d%83%e7%81%a3%e6%b2%b3%e8%83%8c%e8%a1%97-7x-%e8%99%9f%e8%88%96-%e3%80%8cx%e6%9a%89%e5%82%a2%e4%bf%ac-%e3%80%8d/

[飾物] 奇x珠寶金行 (黑店！！小心！！)

事緣係7月中，經過粉嶺聯和墟奇x，見到條飛碟款手鍊係$25000，諗住近近地住果附近，咪買條開心下。好啦，其實個sales冇專登同我講手工費 ($3500)，基本上係到開單至知個手工費係呢個數。跟住後來去過其他細鋪頭睇返條一模一樣嘅手鍊，人地收$1000都唔駛。後來愈諗愈激氣，真係唔對 路，於是就打電話搵返個sales算賬。最後佢只可以減返$1000。當然啦，個sales係咪都話已經盡了人事，已經減到最盡，又話自己都只係打工，我 要寫衰間鋪頭佢都無法控制喎。我話唔緊要，我一定會好好宣揚貴公司銷售手法。 經過呢次教訓，特別係想買閃閃嘅新手真係要小心！真心唔想其他jm買到一肚氣。 間鋪仲話做街坊生意，做生意做到咁狼死，真心唔推薦呢間鋪！買之前真係要問多幾間價格，留意手工費，回收，換貨，信用咭handling charge等等。 想知鋪頭名可以直接PM詢問。自己瀨過野，都唔想他人同樣中招。
更多詳情請看以下網址: http://www.blacklistshop.com/%e9%a3%be%e7%89%a9-%e5%a5%87x%e7%8f%a0%e5%af%b6%e9%87%91%e8%a1%8c-%e9%bb%91%e5%ba%97%ef%bc%81%ef%bc%81%e5%b0%8f%e5%bf%83%ef%bc%81%ef%bc%81/

先達地下G6X手機店舖，係黑店，唔好幫襯

在此想分享一下我某個家人在先達廣場購買手機被騙之經歷，我們全家決定以後也不會幫襯先達內任何一間店舖。其實件事已經被騙，也不能追討，只能接受，必須先承認我們的愚昧，但也希望在此不吐不快，並希望以此讓大家引以為鑑，我以下分享全部是事實，請大家不喜勿插。 2014年6月1日在先達地下G6X店舖內(註:X是一個數目字)，該店名字只有英文名,意思是一個國家中之領袖，跟港島西一間有名band 1男中學同名，不過該店所發之收據上之店名為X優科技電訊(註:X也是一個數目字)。家人買了一部全新iPhone5c行貨，$3980，話apple可保養1年，點知電話2014年8月初首次壞了，拿去apple店整，對方拆開一看，話內裡零件已換過，非原廠，所以不會免費保養。 家人軟弱，又冇即時報警，8月11日回到先達那店嘈，職員稱老闆取貨回來時也是不知情，並承諾免費維修及提供保養一年了事，家人竟接受了。 到了2015年2月初，電話又壞了，2月9日又回到先達那店嘈，職員稱要找師傅看，稱是底板燒了,要時間找到那零件才能換，家人在多次追問仍未取回修妥的電話，一直以未能找到合適零件為由拖延。直到家人在4月12日找來其他人幫手追討，對方職員表示無辜，部電話零件唔係原廠佢都唔知嫁……最後職員表示一星期內回覆家人及其智囊團(包括我)。 最後對方在4日內電話回覆，指要我地比零件價錢一千元,，才免費維修，話冇賺家人。我地不肯，又提出可以$300回收這部壞機，仲提議幫手搵一部二手機回來用成本價賣比我地，等我地再去TRADE In時賺番D，以補回壞機上蝕本金額。總之，建議怪怪，最後我們決定寧願蝕本，當作電話掉左落大海，亦不會再比呢間公司一毫子。 我地在4月14日到先達想取回機，對方要我們等3粒鐘，話要裝番部機，期間問先達內其他店維修價，都冇咁貴，TRADE IN價也不只$300，但當他們看到我們收據，知道部機是在那間店內買，他們立即改口風，似乎他們已知我們那部機是邊一部。最後我們取回壞機便走算了，當買個教訓。 分享完畢，請大家小心呢間黑店。
更多詳情請看以下網址: http://www.blacklistshop.com/%e5%85%88%e9%81%94%e5%9c%b0%e4%b8%8bg6x%e6%89%8b%e6%a9%9f%e5%ba%97%e8%88%96%ef%bc%8c%e4%bf%82%e9%bb%91%e5%ba%97%ef%bc%8c%e5%94%94%e5%a5%bd%e5%b9%ab%e8%a5%af/

選了黑店

超級唔開心，於18 22 選了姊妹裙，俾了訂，到近期想同姊妹約上去試裙，電話打不到，話無服務，Facebook delete 埋！直接上去鋪睇！人去留空！好嬲好唔開心呀！有無姊妹幫襯過或有呢間鋪其他聯絡方法？感激！
更多詳情請看以下網址: http://www.blacklistshop.com/%e9%81%b8%e4%ba%86%e9%bb%91%e5%ba%97/

售天價黑鬼油藥房遭商會除名 黑店旋即結業

更多詳情請看以下網址: http://www.blacklistshop.com/%e5%94%ae%e5%a4%a9%e5%83%b9%e9%bb%91%e9%ac%bc%e6%b2%b9%e8%97%a5%e6%88%bf%e9%81%ad%e5%95%86%e6%9c%83%e9%99%a4%e5%90%8d-%e9%bb%91%e5%ba%97%e6%97%8b%e5%8d%b3%e7%b5%90%e6%a5%ad/