[飾物] 奇x珠寶金行 (黑店！！小心！！)

事緣係7月中，經過粉嶺聯和墟奇x，見到條飛碟款手鍊係$25000，諗住近近地住果附近，咪買條開心下。好啦，其實個sales冇專登同我講手工費 ($3500)，基本上係到開單至知個手工費係呢個數。跟住後來去過其他細鋪頭睇返條一模一樣嘅手鍊，人地收$1000都唔駛。後來愈諗愈激氣，真係唔對 路，於是就打電話搵返個sales算賬。最後佢只可以減返$1000。當然啦，個sales係咪都話已經盡了人事，已經減到最盡，又話自己都只係打工，我 要寫衰間鋪頭佢都無法控制喎。我話唔緊要，我一定會好好宣揚貴公司銷售手法。 經過呢次教訓，特別係想買閃閃嘅新手真係要小心！真心唔想其他jm買到一肚氣。 間鋪仲話做街坊生意，做生意做到咁狼死，真心唔推薦呢間鋪！買之前真係要問多幾間價格，留意手工費，回收，換貨，信用咭handling charge等等。 想知鋪頭名可以直接PM詢問。自己瀨過野，都唔想他人同樣中招。
更多詳情請看以下網址: http://www.blacklistshop.com/%e9%a3%be%e7%89%a9-%e5%a5%87x%e7%8f%a0%e5%af%b6%e9%87%91%e8%a1%8c-%e9%bb%91%e5%ba%97%ef%bc%81%ef%bc%81%e5%b0%8f%e5%bf%83%ef%bc%81%ef%bc%81/