黑店.可人兒covergirl

早系2月既時候我系MTR見到做promotion，走左埋去睇（當時我懷孕3個月，想影 大肚相）睇到啲相效果唔系我想要既就諗住走，點知有個四眼男走埋黎sale我，佢攞左部Ipad入面d相比我睇，完全系我想要既（比較型啲黑白既半裸大肚 照，當然系用手遮住果啲啦），咁就開始心郁啦，之後我問佢系米可以影番咁既效果，佢話系因為佢就系攝影師，咁我就join左個$1600！ 到當日上到去，化妝姐姐竟然叫我㨂禮服先，我即時O左咀，因為我個肚已經籮咁大（懷孕8個月），我就同佢講我個肚咁大點著呀？佢話咁又系，呢下已經令到我 覺得佢地好唔掂！我問佢有咩衫岩我著，雖然我地3個都準備左套衫，但佢個package系包3套衫，我都唔想蝕，咁佢就問我想影啲咩效果，我就話個攝影師 知，佢就叫左個我未見過既過黎，佢自稱系攝影師，又再O咀！我問佢唔系當日果個咩，佢就話果個系sales,我已經知道我中伏了！咁我就叫佢攞番啲相比我 睇，話番比佢聽我想影既，竟然冇果輯相囉，呢個時候我真系覺得自己好蠢，點解我當日咁矇比人呃左都唔知，個輯相根本唔系佢地studio影！算，我就同佢 地講我唔影住，因為你地都唔知我想影啲咩！心諗：蝕$400訂好過唔知影啲咩出黎，佢地就力勸我留低，之後我系我既媽媽會到揾到其他媽媽影既相比佢地睇， 攝影師即時：哦，呢啲，可以丫，冇問題！拍哂心口咁 好啦，到化妝啦，個化妝姐姐其實都好nice ，不過佢化妝真系好唔掂，因為我老公爆瘡爆得好勁，於是佢勁厚粉，我問化妝師出黎效果會唔會好核突，佢話打左燈唔覺，又信左佢，不過我同個女個妝都可以因 為淡妝，我個女個頭就只係系前面個頂到紮左樹起既邊，我就只系放哂啲頭髮落黎，咁樣都唔知算唔算系set左頭 開始影一家人先，3個一齊影，個攝影師都好nice ,不過就提供唔到啲咩post ,影完一家就到兩公婆啦（影性感相），呢個時候先發現個化妝師冇幫我老公冇蠟頭囉！即時叫化妝師幫我老公set番個頭 期待左好耐，今日㨂相，嘩，一見到啲相我即時黑面嬲到震，我老公塊面同條頸鴛鴦色，塊面黑到呢成個包青天咁條頸又超白，我老公本身白，有啲近鏡仲要見到哂 老公啲暗瘡印！之後個background系白色「囇相鋪影証件相果隻呢，拉落黎下面有支黑色棍果啲背景版呢，塊地系黑色磗，影全身果啲相竟然見到個塊白 色background系拉落黎囉，穿哂崩囉，佢仲話影婚紗都會見到，哈！都唔知比咩反應佢，個解釋好牽強啫！之後我老公冇著上身果啲，影到條褲都唔緊 要，條底褲突哂出黎打哂習都唔提下我老公，我影半裸果啲本身系用手遮住，突哂啲乳貼又唔提我，正常人都會叫我轉一轉位遮番佢啦！一係就你都幫我執走佢啦！ 有張仲誇張，執到我啲手指好似"侏儒手"咁，我問佢咁樣叫做執相，佢就頼我隻手肥要執（因為隻手放左系手擘上），我從來都冇要求執瘦我囉，大肚婆系肥嫁 嘛，何況我系肥下身唔肥上身(♯'∧')仲有最離譜系佢冇執左我個肚上面條底褲㾗囉，成條㾗一眼就見到，我問佢點解唔執走佢，佢話唔緊要呢啲可以再執，咁 點解唔執好哂先攞出黎比揀呢我都未話你冇加效果落去 最後61張我只系夾硬揀到22張，因為佢影得仲hea過我老公同我影果啲，一開始張單都寫明只系包20張相，每加一張$70，咁我加兩張都系$140啫， 佢話要加$240，我又著喇，佢話$70只系比番softcopy唔包執相，$120可以再加埋落相簿，嘩好取巧啫，我話咁果兩張都唔加啦，佢就話收 你$200算啦 尾聲，揀哂相，佢攞左本激大本好似人地pre-wedding頁頁都執到好似poster咁令既相簿比我睇，話系水晶面，話呢本加$1700）本能反應地 同佢講：唔會加囉！又唔系影得靚，靚就話啫，加$1700我唔好去第二間影多輯，傻既！咁佢再想sale其他，我已經話唔使啦，我唔會加，可能咁佢就攞左 本普通到吾普通既相簿，佢話呢本加左磨沙面，每頁要加$25！咁你比咩相簿我？佢攞左本勁cheap只係系塊厚紙皮上面痴左張好似雜誌既相紙上去，完全唔 系MTR見到果本囉，嘩！呢間簡直系黑店，由頭到尾都存在欺騙成份囉:
更多詳情請看以下網址: http://www.blacklistshop.com/%e9%bb%91%e5%ba%97-%e5%8f%af%e4%ba%ba%e5%85%92covergirl/