百利二樓36號 Angel Star 姊妹裙店是黑店

好嬲, 非常嬲 ! 百利 二樓 Angel Star 姊妹裙店是黑店! 質素差, 遲交貨, 冇跟進! 我的姊妹在婚期前一天才能拿到裙, 改完又改都唔得, 有條裙長到姊妹著4寸高踭鞋仲係好長 ! 胸位完全唔啱, 勁走光, 都唔知度身嚟做咩 ! 好彩冇跌低咋 ! 佢擺出嚟嘅衫好靚, cutting 好好, 但做好嗰 d 真係不知所謂 ! 明明佢自己 sell 件衫話個設計點好點特別, 到攞貨時唔係咁, 佢居然話個款冇問題 ! 最嬲係佢開門時間同咭片唔同 ! 明明約好咗去攞貨, 佢居然話接 job, 冇通知 d 姊妹 ! 我有個姊妹喺東涌趕出嚟, 去到摸門釘 ! 你話嬲唔嬲? 第日上去攞貨仲話我 d 姊妹遲 ! 人哋一早約咗你, 你放飛機, 第日仲話人遲, 呢 d 係咩態度 ? 我哋班姊妹5月去試, 佢話7月有貨, 8 月再追, 電話成日冇人聽, 聽咗又話做緊生意遲 d 覆, 跟住又冇影啦 ! 5月去試, 9月都未有..........我唔知佢係咪好生意到做唔切 ! 仲有條伴娘裙, 婚前2日先話冇貨, 喺鋪頭搵件唔知新定舊嘅裙迫你要.......... 改裙都係佢攞俾人改, 婚前一日去2轉佢鋪頭攞哂 d裙, 完全打亂哂 / 阻住哂我哋嘅婚禮籌備工作 ! 最衰係婚前一兩日先話冇貨, 搵第二間都唔得 ! 我就係結婚急用, 唔同佢嘈, 但各位姊妹千祈唔好幫襯, 幫襯咗要去鋪頭追得緊 d ! 上網見有人讚老板娘態度好, 冇錯 sell 你時乜都得, 收貨時你就知! 記住 老板娘 shirley au
更多詳情請看以下網址: http://www.blacklistshop.com/%e7%99%be%e5%88%a9%e4%ba%8c%e6%a8%9336%e8%99%9f-angel-star-%e5%a7%8a%e5%a6%b9%e8%a3%99%e5%ba%97%e6%98%af%e9%bb%91%e5%ba%97/