屯門置樂電腦黑店吹雞紋身漢兇人

上星期同老婆拎部舊電腦去整，本來我整電腦一直都去開屯門置樂利寶商場１樓果間老字號整，當日我托住部電腦去到利寶商場一入樓梯口位之前望見有間新開既電腦鋪係地下就係呢間『森柏電腦科技』 行左過去望一望入面坐鋪果個又好面善（非圖中ＭＫ男），就入去問下清毒過料ＸＰ轉ＷＩＮ７收幾多，價合理而言談間我話佢熟口面，佢就話佢本來就係樓上間整 電腦既安定分店度做，而樓上間電腦鋪既電腦配件亦一向係由佢提供（真假唔知啦）見價錢唔係貴就放底左電腦比佢整，反正同一間始終有得揀托小一層樓梯都好。 整完過兩日落返去拎電腦，托左部腦返屋企插返哂線，冇聲出，轉用耳筒又試過轉另一個喇叭又試過都係唔得就打返去間電腦鋪問。 佢同我講：你比你email 我send 個程式比你裝，裝左我入你電腦同你裝返個驅動程式。 我話：咁你咪隨時都入到我部電腦？唔好喇（我電腦有我同客人既生意聯絡內容，整電腦之前都會將ｄ內容過落手指備份先拎去整，當然如果佢咁有心還原我吹佢唔漲但我都要盡量保障我客人既資料，如果比佢裝左咪隨時有咩生意幾錢同邊個做你都知道哂？） 所以我就拒絕左，佢就話呢個程式我可以自己改返密碼而且其他客都係咁裝（咁係咪即係其他客都係整唔掂托返屋企先知有野未攪好要返兜？） 佢咁講我依然覺得唔好咁佢就叫我托返部電腦落去比佢再整過，一係影底我電腦底板個model no.用email 比佢再拎隻手指落去過返個岩既聲音驅動程式比我自己裝。 雖然我住大興都遠不過呢個方法總好過成部電腦托多次過置樂所以影完底板比佢我老婆就飛的過去比USB手指佢過程式返屋企自己裝我就去返工。 以為告一段落，點知裝唔到又彈左句英文出黎：No driver was supported in this driver package.又唔得，我都廢事再打去唯有等多兩日我放假成部電腦托返去整以後唔搵佢整電腦。 第三次過去，我面黑黑一去到已經唔多講野，放底電腦話我係整完電腦冇聲出果個。而圖入面既MK男子一直就用非常不屑既態度望住我，我冇諗過比錢比部電腦人整仲要比人睥，不過一睇就知佢MK廢事同佢嘈，而另一個職員同我整完電腦後佢兩個一句唔好意思都冇就同我講：得架喇。 我問佢因為咩問題電腦會冇聲出，佢就話我可能整完自己插左D外置硬件落去撞左野甚至可能我鍵盤同mouse調轉左插都有可能 直到我托走部電腦個MK男依然睥到我恆好似爭佢野咁，簡直有種比人屈既感覺，於是我粒聲唔出行出門口就放返底部電腦拎個電話出黎影底佢個招牌想叫其他朋友整電腦千其唔好去呢間。 點知個mk男一見到我影相就係鋪頭衝出黎指住我，以心口行先既姿勢同我：『影乜撚野呀屌你老母你唔好撚走呀仆街！』就向住商場門口飛奔而去 由於我用Sony既電話，所以佢既MK樣亦被我捕捉得好細緻 作為市民，影完我隨即報警，唔洗一分鐘MK 男就帶住另一名5尺10高黑衣紋身男來到而且阻止我影相 當我講：『我冇必要走，我報左警』 該名男子留底左一句：『你好野，因撚住呀你』就９秒９消失於人海之中 整部電腦都遇到江湖片入面既情節其實心情真係好差 希望各位屯門友引以為鑑，小心黑店 森柏電腦科技
更多詳情請看以下網址: http://www.blacklistshop.com/%e5%b1%af%e9%96%80%e7%bd%ae%e6%a8%82%e9%9b%bb%e8%85%a6%e9%bb%91%e5%ba%97%e5%90%b9%e9%9b%9e%e7%b4%8b%e8%ba%ab%e6%bc%a2%e5%85%87%e4%ba%ba/