美孚傳x僱傭中心是黑店，各位要小心

張貼者： dada 於 下午1:01
上年4月去佢地公司請 印傭（因為個女八月出世），以為係基督徒開，一定有保証，點知仲衰！到8月時佢地個老細話個工人走左佬，我老公同佢傾左好耐，叫佢退錢算啦，但佢唔肯，話 只可以換工人，我地都無晒辦法，只好聽佢講再揀第二個，點知到十二月佢地話第二個工人都走佬，我地真係好嬲，老公係電話罵佢地，佢地仲惡返轉頭，不斷話自 己點盡力，做左幾多野，工人走佬唔關佢地事，借此推卸責任。 我地真係好唔開心，其實申請期間都已經好谷氣，多次打電話問申請進度都找唔到老細，接電話個職員又廢既咩都唔知，個老細成日話佢地係基督徒開，會訓練好工人，但老公話係佢地公司只見佢呼喝d工人撕下紙摺下野，有時工人做唔到佢要求，老細就顛左咁破口大罵d工人。 最後雖然我地攞返d錢但已被佢地浪費左8個月時間，現在我地係第二間請到個工人，個工人都唔錯，後來上網睇得知佢地原本有三間鋪，搞搞下現在得返一間，睇來都係超級黑店，各位朋友要小心。
更多詳情請看以下網址: http://www.blacklistshop.com/%e7%be%8e%e5%ad%9a%e5%82%b3x%e5%83%b1%e5%82%ad%e4%b8%ad%e5%bf%83%e6%98%af%e9%bb%91%e5%ba%97%ef%bc%8c%e5%90%84%e4%bd%8d%e8%a6%81%e5%b0%8f%e5%bf%83/