欺詐黑店, 旺角總統商業中心力ｘ僱傭有限公司

"力X僱傭有限公司",英文名係"LEKSON XXX AGENCY XXX." 間Agent 之前沙田,後來(大概6,7月)搬到旺角總統商業中心. 個負責人馬生簡直是個大騙子。我地透過呢間請印傭, 點知個馬生竟然呃我地，介紹一個被前僱主因為行為問題而被解僱的印傭俾我地，個印傭係我地屋企偷錢，人贓並獲，將佢即炒。 我地簽約時，向馬生講明印傭的要求: 1. 能夠照顧BB 2. 有做家傭經驗 3. 唔要已經在港的印傭, 即是話一定要海外聘請.(唔要以前在香港工作過,被僱主解僱或不續約的印傭) 點知馬生介紹個操守問題的印傭俾我地，馬生訛稱個印傭在新加坡工作,又有照顧BB經驗,個馬生仲話個印傭覺得香港人工高D，所以約滿後唔想同新加坡僱主續約。 我地被馬生瞞騙的情況下，請左個印傭。個印傭來到後，同馬生講的是兩回事。中文又唔得，英文又唔，用左好耐時同佢先溝通到。又話佢有家傭和照BB的經驗，點知佢唔識煮野食，又連尿片前後都唔識分。 幾個月後，個印傭露出原形，偷我地幾千元 (我地已經小心收藏)。俾我地人贜並獲。即炒。枉我地平時對佢好好。 個印傭執野走時，我地發現文件顯示原來個印傭係我地請佢之前幾個月巳經在香港工作，仲被人炒左。原來佢有前科，馬生仲將這個有問題的印傭介绍俾我地。簡直無良。 我地發现後，即刻責問馬生，佢仲話俾印尼agent 呃, 根本佢講大話,我地從個印傭找到有文件顯示馬生是知情不報, 存心欺詐。馬生講大話唔眨眼，食人唔吐骨。佢不斷轉介有問題的傭工给其他僱主，大家唔好上當。 http://www.discuss.com.hk/viewthread.php?tid=21469847&extra=page%3D1
更多詳情請看以下網址: http://www.blacklistshop.com/%e6%ac%ba%e8%a9%90%e9%bb%91%e5%ba%97-%e6%97%ba%e8%a7%92%e7%b8%bd%e7%b5%b1%e5%95%86%e6%a5%ad%e4%b8%ad%e5%bf%83%e5%8a%9b%ef%bd%98%e5%83%b1%e5%82%ad%e6%9c%89%e9%99%90%e5%85%ac%e5%8f%b8/