港x感冒藥 一劑百幾蚊

事緣我喉嚨痛, 就走左去一間叫港x集團參茸海味醫藥公司到睇病 地址响上水符興街 一個响浸大出來的黃姓註冊中醫幫我睇 佢個診金收50好正常 佢話我喉嚨痛,普通小感冒,好小事 但佢話要三劑藥會比較好 咁好la 我見佢間野水靜鵝飛無客人 可能好耐先一個客 咪諗住幫下佢執三劑藥當買個保險 在上水睇中藥,一般睇感冒最貴果間開藥都係70一劑 我完全無諗過佢可以夠膽開價成百幾蚊劑 連診金三劑藥睇左差不多三百九十幾大元 真係第一次睇咁貴既中醫,真係超級貴 我當時已經覺得係佢地見我係女仔又係一個人 應該係昆我水 但係人地執左藥又唔可以唔比錢 我已經問清楚有冇計錯錢,佢地死口話冇,係要咁貴,d藥材貴哂 我去附近幾間藥房問價 一劑先三﹑四十 咁我當然返去問清楚 執藥個女人話睇專科都成千蚊la 我睇喉嚨痛,關專科咩事?我要睇專科既話就唔去佢到睇la ,執藥個女人操一口不純正廣東話,都唔知係唔係執藥執到傻傻地,竟然將普通門診同專科混為一談 咁普通科醫生直接掛睇專科牌就好la,駛咩考試啫,神經病 佢地話佢地係特別貴,嫌貴就唔好返去睇 咁當然我係一定唔會再返去睇 佢應該打算所有客人都係一次交易既 個中醫中搞笑,佢話人地彌敦道收500一次無藥都係咁收la 佢話點解佢地唔可以收咁貴 我真係比佢笑死,我响彌敦道睇實預左貴,但我响上水冇預咁貴lor 而重點係我真係唔知佢地一劑普通感冒藥要成百幾蚊 比出面貴成三﹑四倍 比錢先知係咁貴 我係知既,我會叫佢一劑就算,絕對唔知比佢地執三劑 成百幾蚊劑感冒藥,做生意要掠水都唔好咁過份,見我後生女就劏 比佢呃一劑藥都冇咁火 所以各位 呢間係唔係黑店相信各位可以自行評價,只係唔想d街坊街里比呢間野呃 如果覺得係黑店既 就以後都叫你們的親朋好友唔好响呢間睇或者買野 佢地應該預左係一次交易,所以劏得就劏
更多詳情請看以下網址: http://www.blacklistshop.com/%e6%b8%afx%e6%84%9f%e5%86%92%e8%97%a5-%e4%b8%80%e5%8a%91%e7%99%be%e5%b9%be%e8%9a%8a/