黑店獸醫診所

幾天前發現狗狗唔食野然後帶佢去睇醫生，呢幾日既事自己睇： http://forum4.hkgolden.com/view.aspx?message=4162438&highlight_id=368917 昨日醫生建議我帶狗狗去吊鹽水，主診醫生（城市）當日幫狗狗打左止嘔針，皮下水同建議吊1.5既速度，重有D藥加加埋埋有15隻，其中2隻食完就唔洗再補，即之後有13隻藥。但由於城市（獸醫診所）唔係24小時，所以醫生建議我去24果D~怕佢半夜出事冇人知。 經巴打介紹下我帶左佢去博愛動物診所（下稱博愛），當晚交狗狗俾佢地幫狗狗吊三日鹽水，講得好清楚已經打左止嘔針，點知當晚我返左屋企之後，佢就 話佢地診所個醫生（我一次都冇見過個醫生！）幫我隻狗打止嘔針要收返針錢，然後又話我隻狗要配個頭罩，話驚佢咬鹽水條管，但個問題係，我隻狗已經病到攤係 度，完全唔郁，又得返一粒牙，又點會咬條管？之後我醒起城市獸醫建議吊1.5速既鹽水，我就再打去問佢地而家幫我隻狗吊幾多，佢地答我用緊８，我話城市獸 醫建議吊1.5，佢地果個議似護士長既物體係隔離教個護士答我：醫生跟返狗狗既體重同身體狀況黎調節。之後總之我點講佢都用返同一句野黎答。 過多一陣又打俾我講，我隻狗食緊咁多隻藥會嘔（但打左止嘔針 ），跟住又拎「醫生」既名義黎撻我話醫生建議減藥，凈係食心臟藥同抗生素，我隻狗個腎有事要吊鹽水，佢地竟然停我隻狗既腎同尿道藥！ 到今日下午佢地打黎話我隻狗抽筋，叫我最好去睇下佢，我去到見到隻狗抽左兩次筋我就同護士講想提早出院，佢即刻不停講話危險呀，又諸多藉口咁唔俾我隻狗拆喉走！！！我真係好嬲！！！！！ 重話「我地做診所既都係愛小動物」，但係就唔俾我帶佢走！我想帶佢返去城市度檢查！！！點知再過多半個鐘我隻狗就抽第三次，佢地唔俾我帶佢走！！之後我打去城市問咁樣抽法係咪即係嚴重左，佢地話係！ 再過多一陣我隻狗就完全唔郁！我問博愛個護士隻狗係咪走左啦？佢埋黎搞兩搞就話佢死左，點知我摸多幾下發現佢個心重好微弱咁跳緊，之後我再同個護士講佢個心重跳緊，佢先話：係wor，咁你叫你屋企人快d到，見佢最後一面。 之後佢又拎d寵物善終果d價錢表（五間）俾我，好似好急咁叫我揀，之後我屋企人見完我隻狗我就自己call寵物善終公司，佢就話要佢地診所代我地call，重話幫我地收埋錢俾寵物善終公司，呢一刻我就知道發生咩事。 係我害死左我隻狗　 　我唔應該帶佢去博愛呢間黑店。 隔離隻金毛係床上面嘔都冇人理，我隻狗失禁屁屁
Read more... http://www.blacklistshop.com/%e9%bb%91%e5%ba%97%e7%8d%b8%e9%86%ab%e8%a8%ba%e6%89%80/