單車舖黑店

各位師兄，我想與大家分享一次在單車店維修單車的不愉快經歷。 我踩的單車用「星芒鈴」，用36飛輪。「星芒鈴」是輕身及少鋼線。可能是我太重(90KG)，後「星芒鈴」其中一條鋼線斷了。我自己有一條原裝鋼線到黑店(屯門)請他換，店員收$80。 上次同樣情況到元朗一間知名單車店，連工包料只收$50。由於黑店近屋企，我貪方便比黑店老闆即時修理。黑店老闆話我太重(90KG)，不宜踩「星芒 鈴」。店員說「星芒鈴」只支持到70KG，建議我換鋼線較多的普通鈴。由於我屋企有另一部20吋車，我問佢可唔可以拿來對調，佢話可以。店員說收$30。 我諗住$30 ok便答應。點知是惡夢開始。 我在對調前一日，仲特登帶屋企另一部20吋車比店員睇，店員話ok! 今日我帶兩部車去到，店員開始整，突然話因涉及拆飛輪，要收$120。反正也開始了，我覺得花多一點錢但整好都值，就話ok啦! 佢突然話「星芒鈴」條呔是1.25吋，但對調的普通鈴行1.5吋，要再加$80換一對內呔。$200，殺你。 45分鐘後整好，我把兩部車帶反屋企。我踩仍用36飛輪但已轉普通鈴的車，發現脫鏈。我把車帶回黑店。店員話普通鈴較「星芒鈴」闊，用36飛輪令鏈較斜脫 鏈，無得救。我話有無攪錯。店員話可以換較細飛輪或轉雙餅。我話還原用「星芒鈴」。佢話有其他野修整，要第日先可以。我照回家取另一部已換「星芒鈴」的 車帶到黑店。店員話剛打電話問過單車在香港的代理，話知道點修整，但要收$50。我話還原用「星芒鈴」。佢話要收$120。我話你整不到，不但應免費還 原，更應退回$200。佢居然話：「你可以去消費者委員會」。 我話要同佢老細講。佢打比老闆，老闆無同我講，但叫佢同我講話可以免$50修整，但不包整好。我話不需要，你同老闆講免費還原。佢再打比老闆，老闆話多一事不如少一事，最終幫我免費還原，但無退回$200。 我同大家分享此悲慘經歷，是想讓大家知黑店的以下問題： 1.修理「星芒鈴」鋼線時已知我的車是36飛輪。既然知道換普通鈴會較「星芒鈴」闊，用36飛輪令鏈較斜脫鏈，為何仍話比我聽可以對調？ 2.初初報價話$30，為何開始整突然話因涉及拆飛輪，要收$120? 3.一時話換較細飛輪，轉頭說轉雙餅。是否技術水平低？ 4.叫客人去消費者委員會是應有的客戶服務嗎？ $200我沒有追回。我希望大家： (A)評一評理。 (B)「星芒鈴」是否只支持到70KG？ (C)小心這間態度差水平低的黑店(屯門區 )。 其實我無意在此中傷呢間黑店。雖然花了$200仍是沿地踏步，但店員的確幫我換了一對新內呔、兩對呔充氣及兩架車較波。當然，$200超貴。無功但有勞，我覺正常正當做生意的，換了一對新內呔、兩對呔充氣及兩架車較波付$100是可以的。 可恨的是手法差(先說$30，最終$200)、技術差(知道換普通鈴會較「星芒鈴」闊，用36飛輪令鏈較斜脫鏈，仍話比我聽可以對調；一唔店就話換較細飛輪，轉頭說轉雙餅)、態度差(叫客人去消費者委員會)。 我住新界，$100只夠我出入市區4次車錢。我可以當破財擋災。反而老闆最可悲，請了個手法差、技術差、態度差的店員，完全倒米。 http://www.discuss.com.hk/viewthread.php?tid=21438478
Read more... http://www.blacklistshop.com/%e5%96%ae%e8%bb%8a%e8%88%96%e9%bb%91%e5%ba%97/