大家小心! 花墟黑店

張貼者： dada 於下午2:05

放工去花墟買花樽, 順便買花花由花園街0個邊入, 兜到新世紀0個邊, 再出返太子道西, 結果响太子道西同園藝街交界轉返過花墟球場右邊第2間買咗扎好靚GE桔梗, 返到屋企滿心歡喜拆包裝插花, 點知...........

有圖有真相, 一剪開張包裝紙就咁GE死樣

一鬆開咗張紙, 未見到佢甩頭甩髻時, 佢D花瓣係勁勁勁甩出嚟............. 我仲好天真咁以為"得2朵係咁啫~" 點知成扎花, 冇一枝可以放得出嚟插!!!!

可能你會話我豬DOU, 做乜買扎爛成咁GE花, 有得揀, 梗係唔會揀扎咁GE野啦, 連選特首都要新普選, 買花點可以有篩選??? 我買0個時, 佢係成扎用白色紙包住(有篩選呀!!), 個花頭同紙頂足足爭2-3吋, 你只會見到佢响上面望落去何其咁燦爛(就好似689 參選0個1張摺櫈, 1本簿, 1枝筆

), 但你係估唔到返嚟一剪開張包裝好似買咗咋垃圾咁!!! 真心火滾呀大佬............. 老鍊咁遠响中環放工走去太子買, 再托到返太古城發現自己護住咗扎垃圾(仲比喼狂碌腳!!)成個鐘................... 行動派嚟GA MA! 我冇咁神心又搭成個鐘車返去間舖度同佢理論喇, 50蚊啫, 我買個教訓, 不過佢做生意咁有特別技巧, 我點都要幫佢發揚光大GE~~(