Blacklist shop 香港黑店名單/騙案

準備結婚既你，如果對在觀塘工業區的這間鋪有興趣，一定要睇以下內文，否則隻會好似我地咁中伏，唔見錢之餘亦無咗唔少精神同時間。千萬唔好因為平價而吸引，最終導致得不償失。 由於這間鋪不負責任的態度實在令我地感到太失望，我地已分別向消委會及壹週刊作出投訴（詳見附圖） 以下系我地既親身經歷： 我系網上見到這間鋪既宣傳，就同老公上去間樓上舖睇衫，雖然眼見隻有一兩件合心水，但由於當時老闆同老闆娘既態度好熱情，所以我地開始傾package。 我表示大部衫都系公主泡泡裙款，A-line極少，但當時老闆娘遊說我地：「我地隻系剛剛開業，款式未齊架，唔通我地隻系做一類既客咩，個個新娘都想多D 唔同既裙款的，不用擔心，遲D實選到的」。重話每一兩個月就會返新貨，會有好多新衫，A-line當然都會返，又可以無限轉款，上網亦可以揀衫款。當時我 正在考慮中，但老闆娘再次遊說：「遲少少揀都不成問題，實揀到的，仲話優惠唔系成日有。(註意：佢地sell客手法系，話自己系啱啱結婚，系過來人，會俾 好多建議你，令你會覺得佢地好為新人著想同埋好似識好多嘢咁。而且，呢間鋪其實長期都做優惠的！！！)我地個package系可以造租（自訂款式）一套衫 既，由於個package幾吸引，所以我地即時全數full pay（必須）。 我既惡夢亦從此開始喇，當我幾個月後約時間上去睇衫時，佢地成日都話full booking，無時間俾到我，當我終於約到上去啦，又發現所謂既 「新衫」 數量是幾隻手指都數得出，仲要又系泡泡裙，A-line唔見影。至於做租個套就俾左參考圖佢地，但未開始度身做。 呢個時候，老闆老闆娘兩人態度180度轉變，上到去同你打個招呼後就唔點理你，亦無傾過造租衫設計圖，呢d系咩服務？我知道人人有情緒，我要體諒下佢，但傾多幾次都系咁，唔通我真系攞苦黎辛，貼錢買難受？我睇在自己俾左錢份上，忍。 呢個期間佢地唯一可取既地方系：之前應承左俾我著去pre-wedding套婚紗，我們也可租用，這亦是我地唯一用既衫。當距離BigDay隻有3個月時，作為新人，面對好多繁瑣既婚禮事項，仍然要為著呢間舖既所謂承諾究竟能否兌現而煩惱，實在萬般不想，但卻要硬著頭皮去處理！！(所以，大家真系要三思啊) 當然，結果都系失望啦，我再打電話想約上去睇新衫，問及有關返新貨既時間時，老闆娘突然系電話度講：「我覺得同你合作唔到，我退錢俾你啦。」我立刻答好，咁退錢當乜事都無發生過！反正佢地服務態度咁差。 之但系，過兩日老闆主動打電話話可退錢，但要扣番pre-wedding個套衫錢，OK我明白，呢個系我應該俾既。另外仲要扣埋做租新衫個套錢！再加埋我 上去試衫既 「服務」 而涉及的行政費用，總共$XXXX，嘩，禁住黎搶呀！都未做租就要扣錢？設計圖都完全未傾過，再者，所謂行政費，你話值幾多都得啦，試問我唔試衫，又如何 租衫呢？這本來就系一個連帶既服務，又如何可以拆開計呢？完全系「歪理」！我當然唔肯啦，咪同佢理論囉，前前後後都理論左成半個月，我一蚊都仲未收到，在無助之際，我唯有上消委會投訴，消委會接觸過佢地，但佢地回覆消委會話：佢地唔系無俾服務我，系我唔用者，完全唔記得系佢地自己主動提出唔合作！！！講大話唔駛本 我隻好即時搵過曬d 衫，幸運地，我終於搵到自己鍾意既衫，雖然系俾左double錢，但最重要系自己鍾意之餘亦享受到應有既 」service」。依家我都結左婚，我真系覺得自己好蠢，信錯呢間公司，搞到自己浪費咗唔少精神和時間，真系不值。 總結 其實結婚系一件開心事，點解做生意要做到咁樣？婚嫁行業應該系一個祝福既行業，佢地咁樣欺騙顧客，前言不兌後語，真系行業之恥。 佢地話會不斷返新衫，但其實佢地唔系好多衫可以俾人揀，年中又有咁多新人，你點可以咁容易揀到自己鍾意既衫丫？你揀左佢分分鐘又會話有人mark左，無期，事實上，佢地d衫既總數根本唔足以應付所有客人。想揀到岩心水既衫？想轉款？除非你系新客啊。 以我所知，我唔系第一個，我朋友都中招，又系join後揀唔到衫，之後約唔到上去睇，莫講話轉款，連睇衫既時間都無。最終都系搵過另一間公司提供新娘衫！之但系我朋友搵人打上去扮新客，又唔知點解可以好快咁約到時間上去睇，由此可見，俾錢前同俾錢後既待遇的確唔同。 大家試想想：如果我地唔系憤怒到極點，又點會投訴完消委會後又搵傳媒幫手？因為這 間鋪的服務態度真的令人太失望了，大家千萬不要為慳少少錢而搞到自己一身蟻。以我所知，仲有唔少客人遇到類似情況，隻是因為Join了而敢怒不敢言，大家 可以上esdlife就知。我都預咗出呢個post後，老闆娘會「化身」不同既身份作「澄清」和「回應」（好低手），眼睛雪亮既你一睇就會明白。 講到呢度，我地都舒了一口氣，最後，希望大家可以廣傳這個post開去，讓你身邊準備結婚的新人瞭解香港有如此的一間「婚紗黑店」，最後祝大家搞結婚順順利利，開開心心！ [/size] 溫馨提示：其分店Wedding renaissance，當然也要小心啦

SKMBT_C36012060609530_0001c.jpg	Filesize: 152.42 KB	瀏覽次數: 5577 次
圖片描述: 沒有提供

SKMBT_C36012060609530_0002c.jpg	Filesize: 155.26 KB	瀏覽次數: 5577 次

更多詳情請看以下網址: http://www.blacklistshop.com/%e5%a3%b9%e5%91%a8%e5%88%8a%e6%8a%95%e8%a8%b4%e7%89%88%ef%bc%9a%e8%a7%80%e5%a1%98%e5%a9%9a%e7%b4%97%e5%ba%97-envi-bridal%ef%bc%88%e6%b0%b8%e6%83%85%e5%a9%9a%e7%b4%97%ef%bc%89/

YAHOO網站 A/C: SIMON_2927 瘦身站 正騙子, 入數後經WHATSAPP發入數紙給他確認後, 他便回覆是幫我跟交收公司預約,不能確定是否可按要求時間交收, 這晚當然不成功交收, 我再約明早11:00-12:00交收, 當然又無人跟聯絡, 還說是幫我預約交收公司, 不等於確定, 他說祇在E-MAIL及WHATSAPP聯絡, 沒有電話直接聯絡,可笑, 他有WHATSAPP怎會沒電話, 打比佢又唔聽, 每次回覆都是他們的流程已說明, 不一定約到, 他那裡有說明呀, 佢係賣家都確定唔到, 唔同我呢個賣家可確定嗎? 要約幾次才可交收到? 還要收$50面收費, 我說退款就不回應, 之後我再比時間佢, 佢又是一樣的回覆, 仲係YAHOO度BAD LIST左我, 我想BID, 之後有証有據都唔得, 因之前他說已付了錢給YAHOO, 如我下BID他要再付及會BAD LIST下BID者, 我會報警, 我嘗試發電郵給他最近一位買家查詢, 但係是假的, 根本沒有這個電郵,系統 SEND返番比我說無效電郵來的,
更多詳情請看以下網址: http://www.blacklistshop.com/yahoo%e9%a8%99%e5%ad%90simon_2927/

我個客戶跟佢買左一部lg f240k白色，手機send唔到訊息。昨天21號拿來trade in。問我k版係唔係一定send唔到訊息。我話基本無可能。一定可以SEND到.我睇左張泡菜室所謂收據。問題一：單寫係住黑色。但手機係白。盒都係寫 住白色。問題二：單上imei只對盒。手機又係另一個imei。最大問題手機顏色又不岩。所謂店舖做生意手法就係咁。仲夠膽收人地咁貴。該客戶睇清楚事件 後。致電追問事件。泡菜老闆當然唔認。客戶自認都有錯。仲強硬講買機客人想砌佢生豬肉。講你埋報警羅。該客人太好人。不想生事。買機無留心睇。大家真係小 心。唔係就比人當菜醃左來食. 泡菜室當時就開號來生事。唱衰等,叫左你收手。我地貨邊到來睇EMS啦。
更多詳情請看以下網址: http://www.blacklistshop.com/%e9%bb%91%e5%ba%97-%e6%b7%b1%e6%b0%b4%e5%9f%97-%e9%ac%bc%e6%89%8b%e6%a9%9f-%e6%b3%a1%e8%8f%9c%e5%ae%a4/

標榜基道教作招來，第一個工人請的時候已sell斷約，菲工人來到第一日著低胸睡衣…煮麵都要教，好多基本野都唔識! 第二個菲完約，之前講過要去奶奶度唔鐘意，算啦! 其實都諗緊方法舒緩下佢既workload ，等佢熟左，俾佢自己在家照顧，等佢唔使兩邊走咁辛苦! 但我無講到佢既問題，第一佢黎第一個星期已打我個大仔既手掌，大仔話我知，我再問佢，佢都話有，禁我咪俾機會佢羅，因再請真的很麻煩! 第二佢黎之後，由於佢試過話唔做，我就有啲怕左佢又話唔做，所以啲用完既野如: 碗碟，衣服(佢唔肯用手先)，小朋友啲玩具，我自己洗返，小朋友啲粥仔我老公前一晚煮定第二日，同佢講野笑晒口，叫佢做任何野都 pls前pls後，thx前thx後，驚死佢再話唔做! 最後唔做嗰日，我沖緊涼都聽到我個仔大叫，出到黎我見到佢地一我個仔坐一邊近window，佢就唔理佢，就係我好直接同認真叫佢同小朋友相處要有耐性…等 等一堆道理，最後佢就話I cannot get along with ur child, 我唔做了! 我唔會再係呢間公司請工人，黑店，唔想再有受害jm! http://www.baby-kingdom.com/forum.php?mod=viewthread&tid=7357256&extra=
更多詳情請看以下網址: http://www.blacklistshop.com/%e9%bb%91%e5%ba%97%e6%ad%a1x-chxxxful-%e6%b8%af%e5%b3%b6%e5%8d%80/

琴日我去左旺角新之城3樓既一間鋪買衫 (新之城3樓上電梯對住，轉角位嗰間) 好耐冇行新之城同旺中，雖然平但質素冇保證，有時真係睇好唔好彩，琴日我就唔好彩。 事緣係間黑店買左條裙，我比錢既時候仲問唔啱有冇得換，當時只聽到 "有得換"，點知試左之後唔啱著，一個鐘頭之後番去換，一入去好聲好氣問"唔好意思，條裙唔啱，想換"，點知個女人黑晒面話"唔啱冇得換，有爛先有得換！" 我：但頭先一個鐘頭前黎買又話唔啱有得換嘅？？ Sales(開始大聲）我冇講過！！！我只係話有爛先有得換！寫明貨物出門恕不退換！(態度超差） 我：但我唔知喎，頭先你都冇講，我唔係要求你退錢，只係想換番同等價錢既野姐。 Sales:（依然大大聲）錦你頭先唔問！我從來都冇講過唔啱可以換，我冇錯，我而家冇錯! 你態度有問題！ 我：（呆一呆，其實我都可能自己冇留意，自己都有唔啱，但佢絕對唔洗錦嘅態度！）錦你則係焗我要咋喎，你唔換都唔洗態度禁差呀！ 之後佢仲話: 你咪報警囉，洗驚你呀，報警丫！跟 住就衝出鋪大嚷：我要call secure ar!!!今日癲婆特別多！管理處好快有人黎，我一路講咩事，個女人一路鬧，secure哥哥好好錦叫我行埋一邊，話我已經好脾氣，冇同佢鬥鬧，我話其實 70蚊冇就算，講句唔好意思就咩事都冇，仲勁話我癲婆，我都唔知佢仲咩禁大反應。 但可惜，secure話佢地都做唔到D咩。結果我問個女人攞番張單，佢仲咬住我唔放，繼續鬧：同你講左無用啦，你估我第一次遇到你呢D客呀！(好明顯係黑店, 唔係都唔會錦講la)成件事我只可以話我唔好彩，當買個教訓，希望大家買野嗰陣小心D，因為係新之城同旺中買野真係冇保障，我唔排除有部份商店係有良心，但經歷過今次之後，我寧願貴D，幫襯連鎖店好過，畢竟女士買野都係氹自己開心，無為一肚氣！ http://www.discuss.com.hk/viewthread.php?tid=21797502
更多詳情請看以下網址: http://www.blacklistshop.com/%e9%bb%91%e5%ba%97-%e6%97%ba%e8%a7%92%e6%96%b0%e4%b9%8b%e5%9f%8e3%e6%a8%93%e4%b8%8a%e9%9b%bb%e6%a2%af%e5%b0%8d%e4%bd%8f%ef%bc%8c%e8%bd%89%e8%a7%92%e4%bd%8d%e5%97%b0%e9%96%93-%e5%90%84%e4%bd%8d/

更多詳情請看以下網址: http://www.blacklistshop.com/%e7%81%a3%e4%bb%94number-%e4%ba%8c%e6%89%8b%e8%bb%8a%e5%a0%b4%e9%bb%91%e5%ba%97/

【明報專訊】有女讀者向本報投訴稱，年前在英國工作時，於網上結交一名年約30歲的香港俊男，墮入愛河後，懷疑俊男先 開設空殼公司，並在她不知情下，替她申請大額的「公司信用卡」，然後冒名狂「碌卡」，令她最少損失逾20萬元。本報偵查後續發現，原來同一男子在港也曾使 用類似手法，涉嫌欺騙另一香港女子近100萬元卡數。換言之，有騙徒藉上述伎倆，連環在英港兩地騙財騙色。

倫敦結識 藉申附屬卡借走證件

有社工表示，這類騙財騙色個案，幾乎每兩日接獲一宗，但借成立空殼公司「谷大」信貸額，再借碌卡騙財的手法則屬首見。

有年近30歲貌似楊思琦的女事主Betty（化名）向本報投訴，2011 年8月在倫敦結識一名港男Chris（化名），該男子眉清目秀，自稱是退休法官之子，家住北角半山區，獨自在英打理公司生意。兩人交往數月，Chris開 靚車接送Betty，更贈訂婚鑽戒許下山盟海誓，女方一度以為自己覓得如意郎君。

好景不常，Betty察覺該男行為異常，包括在網上頻頻開設空殼公司，兼用軟件偽造財務證明。兩人同居數月，Betty寶貴的初貞也失掉。一日Chris以「申請附屬卡畀你用」為藉口，借走Betty的護照等身分證明文件。

揭發後報警 早離開英國

怎料，2012年1月兩人分手後，Betty在Chris留下的私人文件中，發現一張刻有女事主名字的美國運通「公司信用卡」影印本，和使用此信用 卡繳費的平治汽車租賃單據。Betty查詢後才醒覺，該卡在不到兩月已消費18,000英鎊（港幣20多萬元）。她立刻報警，但倫敦警方上門搜查 時，Chris早已離開英國國境。

記者翻查Betty被人冒名申請的公司信用卡的所屬公司，是由Chris 持有。原來，有人訛稱替女友申請附屬信用卡，實則擅自借女友名義，透過空殼公司替女友申請「公司信用卡」，因為「公司信用卡」的信貸額，每每高達數十萬 元，遠高於個人信用卡，最後騙徒私下狂碌女友的公司信用卡騙財，再金蟬脫殼，令女友揹上大筆卡數。

齊設空殼公司 另一港女負近百萬債 記者隨後調查Chris，發現一名叫Wendy（化名）的香港女子，於2011年5月曾和Chris在香港成立一空殼公司，而Wendy則於同年9月，即短短四個月後，突然辭掉董事職位。 記者根據董事住址資料，登門造訪Wendy位於銅鑼灣的寓所。Wendy應門見記者，面色大變，隨後的訪問中，Wendy表示，Chris曾在港以 類似手法，欺騙她的感情和錢財，事件對她和家人打擊很大，當時並沒有報警，在家人幫助下「硬食」一大筆債務。她說：「債務不到100萬元。」 銀行：空殼公司無力還債 董事免責 花旗銀行信用卡及無抵押信貸業務總監伍楊玉如說，萬一空殼公司無力替「公司信用卡」還款，銀行便會向持卡者追數，反而出任董事的Chris毋須負 責。律師黃國桐說，若有人利用空殼公司以這種轉折手法行騙，很可能早已精心佈局，故可輕易「甩身」，事主應及時報警，避免財務上的損失。 明愛向晴軒社工王翠珊說，類似「呃心又呃金」的案例，熱線每兩日聽到一宗。受害者往往先被人騙財騙色，再受到身邊人的指摘，遭受雙重打擊後，大多選 擇獨自埋葬往事，很難走出陰影。王翠珊建議年輕人交往時，要用更多時間了解對方背景，萬一不幸受騙，要及時找社工或心理醫生尋求正面輔導。

記者曾根據Betty提供的Chris手機號碼，多次聯絡及留言，但於截稿前尚未能聯絡Chris。信用卡公司運通回覆本報稱，有既定措施和程序偵查欺詐活動。

明報記者 http://hk.news.yahoo.com/%E4%BF%8A%E7%94%B7%E7%94%A8%E7%A9%BA%E6%AE%BC%E5%85%AC%E5%8F%B8%E9%80%A3%E7%92%B0%E9%A8%99%E8%B2%A1%E8%89%B2-%E6%93%85%E5%8F%96%E8%B3%87%E6%96%99%E7%94%B3%E5%85%AC%E5%8F%B8%E4%BF%A1%E7%94%A8%E5%8D%A1%E7%8B%82%E7%A2%8C%E7%99%BE%E8%90%AC-212133738.html
更多詳情請看以下網址: http://www.blacklistshop.com/%e4%bf%8a%e7%94%b7%e7%94%a8%e7%a9%ba%e6%ae%bc%e5%85%ac%e5%8f%b8%e9%80%a3%e7%92%b0%e9%a8%99%e8%b2%a1%e8%89%b2-%e6%93%85%e5%8f%96%e8%b3%87%e6%96%99%e7%94%b3%e5%85%ac%e5%8f%b8%e4%bf%a1%e7%94%a8%e5%8d%a1/